Fáilte go Gaelscoil Aonach Urmhumhan

Ar son Muintir na Gaelscoile, ba mhaith liom, Inez Uí Éanáin, Príomhoide, fáilte a chur go dtí an suíomh gréasáin seo. Tá súil agam go mbainfidh tú idir taitneamh agus tairbhe as an eolas agus léargas seo ar shaol na Gaelscoile.

Tá sé mar sprioc againn go mbeidh an suíomh seo mar nasc idir scoil agus baile, idir scoil agus ár gcairde is ár ngaolta ó chian is o chóngar. Tairgíonn Gaelscoil Aonach Urmhumhan oideachas dátheangach cruthanta do do pháiste leis an gCuraclam Bunscoile Athbhreithnithe ata leagtha síos do gach Bunscoil.
Is Gaelscoil Chaitliceach í seo, a sholáthraíonn timpeallacht shlán shábháilte do gach duine, chun tacú le forbairt foghlama agus múineadh; oiriúnach do phearsantacht ar leith gach duine aonair.

Is í an Ghaeilge an teanga cumarsáide na scoile, agus cuirimid fíor-fáilte roimh tuismitheoirí agus cuairteoirí a labhraíonn Gaeilge linn.

Is beatha teanga í a labhairt!

Tabharfaidh na leathaigh seo sampla den chineál oibre a bhíonn ar siúl sa scoil idir obair churaclaim, ceol agus spórt.
Is iad na daltaí cúis na scoile, agus is páistí den scoth iad na daltaí sa scoil seo, le tuismitheoirí atá lán de thacaíocht dóibh acu.
Tá foireann múinteoirí den scoth againn sa scoil, a oibríonn go dian dícheallach ag tabhairt oideachas iontach do na daltaí.
Tugann Coiste na dTuismitheoirí an-tacaíocht do na himeachtaí scoile éagsúla a bhíonn ar siúl againn freisin